آقســى قصيــده حـــب

[احساس]

لا جيت ابنسى واتراجع واسامحك
صاحن جروحي واشتكن لي طعونك

كلك خيانه قول وشلون ابمنحك
وش موقفك من شخص دايم يخونك

اكبر خطا.. لو جيت يمك اصالحك
اول تحول لاتغرك .. إلحونك

اللي تقوله صح لو كنت جارحك
(مير) انت غارق للاسف في ظنونك

وصفك نسيته بس .. باقي ملامحك
بنهيك وانهي بالنهايه .. جنونك

ماتستحق امد كفي واصافحك
مثلك غلط عمري وابحيا .. بدونك

لعبت دورك شاهدات ٍ مسارحك
خدعتني واظهرت خافي فنونك

كنت اعتقد قلبي هو ابرز مطامحك
اللي يبيع الناس .. لجله يصونك

تعبت اسوق الشوق يمك واصارحك
اخلصت لك بالحب شوفت عيونك

لكن خسارة صرت غاية مصالحك
ياليتني ماجيت لحظه .. بكونك

بالامس كنت بنشوة الحب .. امازحك
اخيل برقك واتحرى امزونك

واليوم من صفحة حياتي ابمسحك
هديت صرحك ثم طاحت ركونك

ولابي عيوني لو تصورت تلمحك
اعلنت موتك .. وانسجن لي كفونك

وان جيت تطلب ترتجيني .. اسامحك
بهديك طعنه .. من بقايا طعونك

[بنت بو متعب]

كلمات رائعه خيو احساس

يعطيك العافيه وننظر جديدك

[قلب ادمتة الجراح]

يعطيك العافيه
بنتظار جديدك

[آلـعنـآإ]

يسلــموووو آخي حسااس
ربي يوفقك ولا تحرمنا من جديدك

[بوح المشاعر]

آخـووي آحسـآس..
صـح لسآنـك يآلغلآآ..
لآعدمنآك..
تقـبل مروري..
آخـووك..
آلـعنـآإ..
...