ياللي خذيت القلب

[عيون الغلا]

ياللي خذيت القلب في ظرف لحظات
ياللي سكنت ابداخلي في ثواني
من يوم شفــتك رحـت بـي للمسرات
خذيتني في حبــك لجــو ثــانى
جـو المحــبة والوفــاء والمصافاة
وابـــعدت عنى قــيد هم طــوانى
علمتني كيف أعشقك موت بسكات
كيف اوصل لقلبك وأنا في مكاني
لملمتني بشويش من بين الأهات
داويت قلب كان قلــبك يعــاني
أعطيتني يمناك رغم المسافات
زرعت بي حب الأمــل والأمــاني
لا قلت: أبشكي، قلت لي:يا الغلا هات
باخذ همومك وأحضنك في حناني
أنت الحنان أصلاً خذا منك عادات
وأنت الحلا له في صفاتك مواني
نبرات صوتك غيرت كل مافات
(بالوشوشه) مثل النغم والأغاني
مقدارك أكبر من جميع العبارات
والمعذرة كان الخطا من لساني

[بنت بو متعب]

صح لسانك قلبو

يعطيك العافيه

[آلـعنـآإ]

آختي.. عيوٍن..الغــلآ....
سلــمــت آنــاملــك يــا الغـلآ
وحنــاإ في آتنظــارٍ جــديدكـ

[قلب ادمتة الجراح]

صب القهوة للرجاجيل يااا ورع ههههههههههههههههههههههههه
صح لسانك يا عيون الغلا

[خالي البال]

صح لسانك غاليتي عيون الغلا على القصيده الرائعه

ذات الكلمات الجميله ابدعتي اختي فاخذتنا قصيدك لنبحر

بعيدا فسلمت لنا هذه الانامل الذهبيه لا عدمنا اختي